Aire Negro ten como eixe principal unha desacougante historia de terror, que se mestura cunha dobre historia de amor que ten a protagonista como centro. Toda a novela é unha analepse ou flash-back, xa que o narrador é un médico psiquiatra, VÃctor Moldes que, tres anos despois de que ocorresen, nárranos os feitos que o fixeron abandonar a profesión e que obrigan a vivir nun permanente desacougo. Os feitos que narra comezan cando o doutor Moldes entra a traballar nunha clÃnica psiquiátrica situada no Baixo Miño e ten como primeira paciente a Laura Novo, unha muller autista e coa memoria borrada que pasa o dÃa enteiro escribindo de xeito compulsivo o seu nome, aferrada a el coma se fose o único resto dalgún ignorado naufraxio persoal. O doutor inicia unha terapia anovadora coa paciente, de maneira que consigue que sáia do seu cárcere interior e comece a falar sobre si mesma.
