Cuquejo, María;Otero Pedrayo, Ramón
A paisaxe e a aldea galegas son un dos temas máis queridos e recorrentes na obra ensaística de Ramón Otero Pedrayo. Baixo o título Sereno e grave gozo, agrupamos seis ensaios publicados entre 1922 e 1965 nos que este destacado intelectual e mestre galego pon a súa emocionada e exuberante prosa ao servizo da penetración nas calidades históricas, xeográficas e humanas da terra que tanto amou e que tan ben coñecía.
